Serade semi-serie di aprofondiment sul percors de Associazion Sportive Furlane cu la conduzion di Claudio Moretti
Auditorium Riedo Puppo – Via Divisione Julia 7 – Murùs JENTRADE DIBANT
In colaborazion cu la ASF Associazion Sportive Furlane Cul Patrocini dal Comun di Murùs.
Ai 4 di Març dal 2023 e je stade costituide l’Associazion Sportive Furlane.
Ai 19 di Avrîl dal 2023 e ven formalizade l’iscrizion ae “EUROPEADA 24”, competizion calcistiche a nivel european, inmaneade dal FUEN e risiervade a lis selezions di minorancis linguistichis europeanis.
Ai 6 di Lui dal 2024 la rapresentative dal Friûl e vinç la competizion ae prime partecipazion.
Un percors net che al à dal incredibil e che o tornarìn a percori in cheste serade dulà che Claudio Moretti (Teatro Incerto) al varà mût di dialogâ cui protagoniscj di cheste incredibile aventure!
